1ܟܬܵܒ̣ܵܐ ܩܵܕَܡܵܝܵܐ ܟܬܸܒ̣ܠܝܼ؛ ܝܵܐ ܬܹܐܘܿܦܝܼܠܵܐ؛ ܒܘܼܬܿ ܟܠܵܝܗܝ ܐܵܢܝܼ ܕܫܘܼܪܹܐܠܹܗ ܝܼܫܘܿܥ ܠܸܥܒ̣ܵܕܵܐ ܘܠܡܵܠܘܿܦܹܐ. 2ܗܲܠ ܗ̇ܘ ܝܵܘܡܵܐ ܕܒܝܹܗ ܡܘܼܣܩܵܐ ܗَܘܵܐ؛ ܡ̣ܢ ܒܵܬَܪ ܕܦܩܝܼܕܵܝܗܝ ܗَܘܵܐ ܠܫܠܝܼܚܹ̈ܐ ܐܵܢܝܼ ܕܓܘܼܒܹܠܹܐ ܒܝܲܕ ܪܘܼܚܵܐ ܕܩܘܼܕܫܵܐ 3ܐܵܢܝܼ ܕܐܘܼܦ ܡܘܼܚܙܹܐ ܠܹܗ ܓܵܢܹܗ ܚܵܝܵܐ ܒܵܬَܪ ܕܩܘܼܒܸܠܹܗ ܚܲܫܵܐ؛ ܒܢܝܼܫܲܢܩܹ̈ܐ ܪܵܒܵܐ؛ ܟܲܕ ܒܐܲܪܒܥܝܼ ܝܵܘܡܵܢܹ̈ܐ ܦܝܵܫܵܐ ܗَܘܵܐ ܚܸܙܝܵܐ ܐܸܠܵܝܗܝ ؛ ܘܗܲܡܙܸܡ ܗَܘܵܐ ܒܵܗَܣ ܕܡܲܠܟܘܼܬܵܐ ܕܐܲܠܵܗܵܐ. 4ܘܟܲܕ ܒܹܐܟ̣ܵܠܵܐ ܗَܘܵܐ ܠܲܚܡܵܐ ܥܲܡܵܝܗܝ؛ ܦܩܝܼܕܵܝܠܹܗ ܕܡ̣ܢ ܐܘܿܪܸܫܠܸܡ ܠܵܐ ܦܵܪܩܝܼ؛ ܐܸܠܵܐ ܕܥܲܪܩܸܠܝܼ ܠܩܵܘܠܹܗ ܕܒܵܒܵܐ؛ ܗ̇ܘ ܕܫܡܸܥܠܵܘܟ̣ܘܿܢ ܡܸܢܝܼ. 5ܣܵܒܵܒ ܝܘܿܚܲܢܵܢ ܡܘܼܥܡܸܕܠܹܗ ܒܡ̈ܝܼܵܐ؛ ܘܐܲܚܬܘܿܢ ܒܸܬ ܥܵܡܕܝܼܬܘܿܢ ܒܪܘܼܚܵܐ ܕܩܘܼܕܫܵܐ؛ ܠܵܐ ܒܵܬَܪ ܪܵܒܵܐ ܝܵܘܡܵܢܹ̈ܐ. 6ܘܟܲܕ ܐܵܢܝܼ ܓ̰ܸܡܥܝܹܐ ܗَܘܵܘ؛ ܒܘܼܩܸܪܘܿܢ ܡܸܢܹܗ؛ ܒܹܐܡܵܪܵܐ؛ ܡܵܪܲܢ؛ ܒܐܵܗܵܐ ܙܲܒ̣ܢܵܐ ܒܸܬ ܡܲܕܸܪܸܬ ܡܲܠܟܘܼܬܵܐ ܠܝܼܣܪܵܝܹܠ. 7ܘܐَܡܝܼܪܹܗ ܐܸܠܵܝܗܝ ܗ̇ܘ؛ ܠܹܐ ܝَܠܵܗ̇ ܕܝܼܵܘܟ̣ܘܿܢ ܠܝܼܕܲܥܝܵܐ ܙܲܒ̣ܢܵܐ ܝܲܢ ܙܲܒ̣ܢܹ̈ܐ؛ ܐܵܢܝܼ ܕܒܵܒܵܐ ܡܘܼܬܒ̣ܵܝܠܹܗ ܒܗܘܼܟܡܵܐ ܕܓܵܢܹܗ. 8ܐܸܠܵܐ ܟܲܕ ܐܵܬܹܐ ܪܘܼܚܵܐ ܕܩܘܼܕܫܵܐ ܥܲܠܵܘܟ̣ܘܿܢ؛ ܒܸܬ ܩܵܒܠܝܼܬܘܿܢ ܚܲܝܠܵܐ؛ ܘܒܸܬ ܗܵܘܝܼܬܘܿܢ ܣܵܗܕܝܼ̈ ܓܵܘ ܐܘܿܪܸܫܠܸܡ ܘܓܵܘ ܟܠܵܗ̇ ܝܼܗܘܼܕ ܘܫܵܡܪܹܝܢ؛ ܘܗܲܠ ܡܲܪ̈ܙܵܢܹܐ ܕܐܲܪܥܵܐ. 9ܘܐܝܼܡܲܢ ܕܐܲܢܹܐ ܐَܡܝܼܪܹܗ؛ ܟܲܕ ܒܸܚܝܵܪܵܐ ܗَܘܵܘ؛ ܦܸܫܠܹܗ ܡܘܼܣܩܵܐ؛ ܘܥܢܵܢܵܐ ܩܲܡ ܩܵܒ̇ܠܵܐ ܠܹܗ ܘܦܝܼܫܠܹܗ ܟܘܼܣܝܵܐ ܡ̣ܢ ܥܲܝܢܵܝ̈ܗܝ. 10ܘܟܲܕ ܒܸܚܝܵܪܵܐ ܗَܘܵܘ ܒܫܡܲܝܵܐ؛ ܒܐܙܵܠܬܘܼܗܝ؛ ܗܵܐ؛ ܬܪܹܝ ܐَܢܵܫܹ̈ܐ ܟܸܠܝܹܐ ܠܟܸܣܠܵܝܗܝ ܒܸܠܒܸܫܝܵܬܹ̈ܐ ܘܚܘܵܪܹ̈ܐ. 11ܘܐܵܡܪܝܼ ܐܸܠܵܝܗܝ؛ ܐَܢܵܫܹ̈ܐ ܓܠܝܼܠܵܝܹ̈ܐ؛ ܩܵܡܘܿܕܝܼ ܟܸܠܝܹܐ ܝܬܘܿܢ ܘܒܸܚܝܵܪܵܐ ܒܫܡܲܝܵܐ؛ ܐܵܗܵܐ ܝܼܫܘܿܥ ܕܦܸܫܠܹܗ ܡܘܼܣܩܵܐ ܡܸܢܵܘܟ̣ܘܿܢ ܠܫܡܲܝܵܐ؛ ܗܲܕܟ̣ܵܐ ܒܸܬ ܐܵܬܹܐ ܐܲܝܟܼ ܕܩܲܡ ܚܵܙܝܼܬܘܿܢ ܠܹܗ ܒܹܐܣܵܩܵܐ ܠܫܡܲܝܵܐ. 12ܗ̇ܝܓܵܗ ܕܸܪܘܿܢ ܠܐܘܿܪܸܫܠܸܡ ܡ̣ܢ ܛܘܼܪܵܐ ܕܟܹܐ ܦܵܝܸܫ ܩܸܪܝܵܐ ܕܙܲܝܬܹ̈ܐ؛ ܕܝܼܠܹܗ ܕܸܦܢܵܐ ܕܐܘܿܪܸܫܠܸܡ؛ ܪܸܚܩܵܐ ܡܸܢܵܗ̇ ܘܐܲܝܟܼ ܐܘܼܪܚܵܐ ܕܝܵܘܡܵܐ ܕܫܲܒܬܵܐ ܡܸܢܵܗ̇. 13ܘܡܒܵܬَܪ ܕܥܒܼܸܪܘܿܢ؛ ܐَܣܸܩܠܘܿܢ ܠܥܸܠܝܼܬܼܵܐ؛ ܗ̇ܝ ܕܟܹܐ ܗܵܘܝܼ ܗَܘܵܘ ܓܵܘܵܗ̇؛ ܦܵܛܪܘܿܣ؛ ܘܝܘܿܚܲܢܵܢ؛ ܘܝܲܥܩܘܿܒ̣؛ ܘܐܲܢܕܪܹܐܘܿܣ؛ ܘܦܝܼܠܝܼܦܘܿܣ؛ ܘܬܐܘܿܡܵܐ؛ ܘܡܲܬܲܝ؛ ܘܒܲܪ ܬܘܼܠܡܲܝ؛ ܘܝܲܥܩܘܿܒ̣ ܒܪܘܼܢܹܗ ܕܚܲܠܦܲܝ؛ ܘܫܸܡܥܘܿܢ ܛܲܢܵܢܵܐ؛ ܘܝܼܗܘܼܕܵܐ (ܒܪܘܼܢܵܐ) ܕܝܲܥܩܘܿܒ̣. 14ܐܲܢܹܐ ܟܠܵܝܗܝ ܗَܘܹܐܠܗَܘܿܢ ܡܸܚܕܵܕܹ̈ܐ ܕܵܝܸܡ ܒܨܠܘܿܬܼܵܐ ܒܚܕܵܐ ܓܵܢܵܐ؛ ܥܲܡ ܒܲܟ̣ܬܵܬܹ̈ܐ؛ ܘܥܲܡ ܡܲܪܝܲܡ ܝܸܡܹܗ ܕܝܼܫܘܿܥ؛ ܘܥܲܡ ܐܲܚܘܿܢܘܵܬܘܼ̈ܗܝ. 15ܘܒܵܐܢܝܼ ܝܵܘܡܵܢܹ̈ܐ؛ ܩܸܡܠܹܗ ܟܹܐܦܵܐ ܒܒܹܝܦܲܠܓܵܐ ܕܬܲܠܡܝܼܕܹ̈ܐ ؛ ܐܝܼܢܵܐ ܐܝܼܬ ܗَܘܵܐ ܬܵܡܵܐ ܟܸܢܫܵܐ ܕܐَܢܵܫܹ̈ܐ ܐܲܝܟܼ ܡܵܐܐ ܘܥܸܣܪܝܼ؛ ܘܐَܡܝܼܪܹܗ. 16ܓܲܒܼܪܹ̈ܐ ܐܲܚܘܿܢܘܵܬܹ̈ܐ؛ ܘܵܓ̰ܸܒ ܝܼܗَܘܵܐ ܕܦܵܝܸܫ ܗَܘܵܐ ܬܘܼܡܸܡܵܐ ܐܵܗܵܐ ܟܬܵܒ̣ܵܐ؛ ܕܩܵܕَܡܵܝܬܵܐ ܐَܡܝܼܪܹܗ ܪܘܼܚܵܐ ܕܩܘܼܕܫܵܐ ܒܦܘܼܡܹܗ ܕܕܵܘܝܼܕ ܥܲܠ ܝܼܗܘܼܕܵܐ؛ ܗ̇ܘ ܕܗَܘܹܐ ܠܹܗ ܬܲܓܒܸܪܵܢܵܐ ܠܐܵܢܝܼ ܕܕܒܸܩܠܘܿܢ ܠܝܼܫܘܿܥ. 17ܣܵܒܵܒ ܕܡܸܢܝܵܐ ܗَܘܵܐ ܥܲܡܲܢ؛ ܘܐܝܼܬ ܗَܘܵܐ ܠܹܗ ܦܸܫܟܵܐ ܒܐܵܗܵܐ ܚܸܠܡܲܬ. 18ܘܐܵܗܵܐ ܩܢܹܠܹܗ ܚܲܩܠܵܐ ܡ̣ܢ ܗܵܩܵܐ ܕܚܛܝܼܬܼܵܐ؛ ܘܢܦܸܠܹܗ ܥܲܠ ܦܵܬܹܗ ܥܲܠ ܐܲܪܥܵܐ؛ ܘܦܸܫܠܹܗ ܦܪܝܼܛܵܐ ܡ̣ܢ ܒܹܝܦܲܠܓܹܗ؛ ܘܬܦܸܚܠܹܗ ܟܠܹܗ ܓܵܘܹܗ. 19ܘܐܵܗܵܐ ܗَܘܹܐܠܵܗ̇ ܝܕܥܝܼܬܵܐ ܠܟܠܵܝܗܝ ܥܵܡܪ̈ܵܢܹܐ ܕܓܵܘ ܐܘܿܪܸܫܠܸܡ؛ ܘܗܲܕܟ̣ܵܐ ܦܸܫܠܵܗ̇ ܩܪܝܼܬܵܐ ܗ̇ܝ ܚܲܩܠܵܐ ܒܠܸܫܵܢܵܐ ܕܐܲܬܼܪܵܐ؛ ܚܩܲܠ ܕܡܵܐ؛ ܕܝܼܠܹܗ ܦܘܼܫܵܩܘܼܗ̇؛ ܚܲܩܠܵܐ ܕܕܸܡܵܐ. 20ܣܵܒܵܒ ܟܬܝܼܒ̣ܵܐ ܝܠܹܗ ܒܟܬܵܒ̣ܵܐ ܕܡܲܙܡܘܿܪܹ̈ܐ؛ ܒܹܝܬ ܡܲܥܡܪܹܗ ܗܵܘܹܐ ܚܵܪܵܒܵܐ؛ ܘܥܵܡܪܵܢܵܐ ܠܵܐ ܗܵܘܹܐ ܓܵܘܹܗ؛ ܘܚܸܠܡܲܬܹܗ ܫܵܩܸܠ ܚܲܕَ ܐَܚܹܪَܢܵܐ. 21ܘܵܓ̰ܸܒ ܝܼܠܵܗ̇ ܗܲܕܟ̣ܵܐ ܠܚܲܕَ ܡܐܲܢܹܐ ܐَܢܵܫܹ̈ܐ ܕܗَܘܹܐܠܗَܘܿܢ ܥܲܡܲܢ ܒܐܵܗܵܐ ܙܲܒ̣ܢܵܐ ܟܠܹܗ ܕܒܝܹܗ ܥܒܼܸܪܹܗ ܘܦܠܸܛܠܹܗ ܒܓܵܘܲܢ ܡܵܪܲܢ ܝܼܫܘܿܥ. 22ܫܵܪܘܿܝܹܐ ܡ̣ܢ ܡܲܥܡܘܿܕܝܼܬܹܗ ܕܝܘܿܚܲܢܵܢ؛ ܗܲܠ ܝܵܘܡܵܐ ܕܦܸܫܠܹܗ ܡܘܼܣܩܵܐ ܡ̣ܢ ܠܟܸܣܠܲܢ؛ ܕܗ̇ܘ ܗܵܘܹܐ ܥܲܡܲܢ ܣܵܗܕܵܐ ܕܩܝܵܡܬܹܗ. 23ܘܡܘܼܩܸܡܠܗَܘܿܢ ܬܪܹܝܢَ؛ ܠܝܵܘܣܸܦ ܕܟܹܐ ܦܵܝܸܫ ܗَܘܵܐ ܩܸܪܝܵܐ ܒܲܪ ܫܲܒܵܐ؛ ܕܡܘܼܬܒ̣ܵܐ ܗَܘܵܐ ܫܸܡܹܗ ܝܘܼܣܛܘܿܣ؛ ܘܠܡܲܬܝܼܵܐ. 24ܘܟܲܕ ܨܘܼܠܹܠܘܿܢ؛ ܐَܡܸܪܘܿܢ؛ ܐܲܢَܬ؛ ܡܵܪܝܵܐ؛ ܝܲܕܥܵܢܵܐ ܕܠܸܒܵܘܵܬܹ̈ܐ ܕܟܠܵܝܗܝ؛ ܡܲܚܙܝܼ ܐܲܝܢܝܼ ܚܲܕَ ܕܓܘܼܒ̇ܝܵܐ ܝܘܸܬ ܡܐܲܢܹܐ ܬܪܹܝܢَ. 25ܕܗ̇ܘ ܩܵܒܸܠ ܦܸܫܟܵܐ ܕܬܸܫܡܸܫܬܵܐ ܘܲܫܠܝܼܚܘܼܬܼܵܐ؛ ܕܡܸܢܵܗ̇ ܦܪܸܩܠܹܗ ܝܼܗܘܼܕܵܐ؛ ܕܐܵܙܸܠ ܗَܘܵܐ ܠܕܘܼܟܬܹܗ. 26ܘܕܪܹܠܘܿܢ ܦܸܫܟܹ̈ܐ؛ ܘܢܦܸܠܹܗ ܦܸܫܟܵܐ ܠܡܲܬܝܼܵܐ؛ ܘܦܸܫܠܹܗ ܡܸܢܝܵܐ ܥܲܡ ܚܲܕܸܥܣܲܪ ܫܠܝܼܚܹ̈ܐ.